Ekzaminimet e syrit dhe intervenimet lazerike
ANIOGRAFIA ME FLUORESCEIN është një ekzaminim i cili përdor fluoresceinën dhe kamerën speciale për të fotografuar dhe analizuar qarkullimin e gjakut në retinë (fundin e syrit) dhe horoide. Fluoresceina është një materie speciale e cila injektohet në një venë të krahut dhe qarkullon në enët e gjakut të organizmit. Pas kalimit të kësaj substance nëpër enët e gjakut të retinës (fundit të syrit), kamera speciale fotografon këto enë të gjakut dhe jep informacione rreth gjendjes së tyre, gjegjësisht jep informacione rreth ndryshimeve në retinë, paraqitjen e enëve abnormale të gjakut, etj. Klinika jonë përdor aparatin e prodhuesit të njohur Carl Zeiss – Visucam Lite Digital Camera.

më shumë kliko.

IOL MASTER
FDA-ja (Qendra Amerikane për Vlerësim të Produkteve Mjekësore dhe Ushqimeve) ka aprovuar një mjet të ri për matjet biometrike të syrit para operacionit të kataraktës – aparatin e quajtur Zeis Humphrey IOL Master. Ky aparat mundëson matjet shumë precise të gjatësisë së boshtit të syrit, lakueshmërisë së sipërfaqes së syrit (kornesë), matje këto të domosdoshme te kirurgjia e kataraktës.

më shumë kliko.

ORBSCAN-I
Është një aparat diagnostik i cili shërben për analizimin e arkitekturës gjegjësisht topografisë së përgjithshme të kornesë (sipërfaqes së përparme të syrit), duke përfshirë analizimin e fuqisë refraktive të kornesë, trashësisë, formës së përparme dhe të pasme të kornesë.

më shumë kliko.

PERIMETRIA
Apo fushës pamore është një test me të cilin kontrollohet pamja periferike (anësore).Perimetria ndihmon për të përcaktuar disa lloje të caktuara të humbjes së të pamurit. Perimetria paraqet testin më të mirë në kontrollimin e humbjes së pamjes për shkak të sëmundjes së glaukomës (tensionit të rritur të syrit).

më shumë kliko.

YAG - LAZERI
Përafërsisht 20% e pacientëve të operuar nga perdja e syrit apo katarakta, do të zhvillojnë turbullim të membranës prapa thjerrzës që është implantuar brenda në sy. Ky turbullim shkakton pengesa në të pamur. Kjo gjendje njihet më mire me termin “perdja e dytë”, apo në mjekësi si “turbullim i kapsulës së pasme”

më shumë kliko.